Santutegiaren harresien barruan dago. Loiolako Beltrán Yañezek eraiki zuen, XIV. mendean, oinaztarren eta ganboatarren arteko gerren garaian. 1456an, dorrea moztu egin zioten eta jabea, Loiolako Juan Pérez (San Ignazioren aitona) erbesteratu egin zuten Ximena de la Fronterara. Dorrea 1461ean eraiki zuten berriro, baina, erregearen aginduz, ez harriz, adreiluz baizik, eta dorrearen harresiak altueraz txikiagoak egin zituzten gainera. Eraikina Iraurgi bailaran hain hedatua dagoen arte mudejarraren eredu bikaina da, eta bertan jaio eta hezi zen Loiolako Ignazio.

---
Argazkia Javi Guerra Hernando https://commons.wikimedia.org/wiki/File:Loyola_%28Guip%C3%BAzcoa%29-Casa_natal_de_San_Ignacio.jpg
(CC BY-SA 3.0 lizentzia https://creativecommons.org/licenses/by-sa/3.0/deed.es)

1535ean, Parisen ikasketak amaitu eta gaixorik iritsi zen Azpeitira Loiolako lñigo eta ostatu, bere familiaren dorrean ederki asko hartu ordez, legenardunentzako ospitale honetan hartu zuen, gaixo pobreenen ondoan. Esaten denez, leku honetan egon zen hiru hilabeteetan zehar, predikatzen aritzen zen baseliza honetan, Elosiagako Ama Birjinaren baselizan alegia, eta Soreasuko San Sebastian parrokian; gaixo eta babesgabeentzako janari eta laguntza eske ere ibiltzen zen kaleetan. Gaur egun, garai bateko ospitale hura ignaziotarren interpretazio zentro gisa erabiltzen da.

---
Argazkia Iñigo Peña https://es.wikipedia.org/wiki/Ermita_de_la_Magdalena_%28Azpeitia%29#/media/Archivo:RI-51-0001477._Casa_de_la_Magdalena..jpg
(CC BY-SA 3.0 lizentzia https://creativecommons.org/licenses/by-sa/3.0/deed.es)

Badirudi tenplarioen garaian eraiki zutela eta XVI eta XVIII. mendeen artean aldaketa handiak egin zizkiotela; dorrea baino ez zen geratu, baina oso itxuraldatuta. Jatorrizko portikoa 1771n kendu eta aurpegi berria jarri zioten, Ventura Rodriguezek diseinatu eta Francisco lberok egina. Elizak zortzi kapera ditu. Kaperen artean, Bakarnerena nabarmendu behar da: Errenazimenduko harribitxia da eta, bertan, Nicolás Sáez de Elolaren hilobia dago, Pizarro Peruko konkistatzailearen laguna. Azpimarratzekoak dira, baita ere, aldare nagusiko erretaula barrokoa eta pontea, Loiolako Ignazio bataiatu zenekoa hain zuzen.

---
Argazkia Iñigo Peña https://es.wikipedia.org/wiki/Archivo:RI-51-0005134_Iglesia_de_San_Sebastian_de_Soreasu.jpg
(CC BY-SA 3.0 lizentzia https://creativecommons.org/licenses/by-sa/3.0/deed.es)

Lehen, udala beste eraikin batean egon zen, "Kontzeju plazatxoan", eta eraikina oraindik kontserbatzen da; gaur egun, berriz, Lázaro de Lainceriak eginiko eraikinean dago. Egungo udaletxea 1711n eraiki zuten, agustindarren komentutarako, eta, komentu gisa, 1840 arte erabili zen, harik eta Mendizabalen Desamortizazioaren ondorioz fraideek eraikina utzi behar izan zuten arte, eta, 1842an, Estatuak eraikina Udalari transferitu zioen, eraikinaren zati bat irakaskuntzarako erabiltzeko baldintzarekin. Udaletxe barruan, oraindik gordetzen da komentu garaian eliza izan zena; gaur, desakralizatua eta kulturagune bihurtua dago.

---
Argazkia Zarateman https://es.wikipedia.org/wiki/Archivo:Azpeitia_-_Ayuntamiento_1.JPG
(CC BY-SA 3.0 lizentzia https://creativecommons.org/licenses/by-sa/3.0/deed.es)

Austriako Mariana erreginak, Felipe V.a erregearen alargunak sustatu zuen 1682an, Carlo Fontana arkitektoak proiektatu zuen eta eraikitze lanak 1688an hasi zituzten. Erdian, eliza dago, albo banatan bi hegal soil-soilak dituela, eliz atari churriguereskoarekin kontraste eginez; oinplanoz zirkularra da eta estiloz, berriz, barrokoa. Obrak hasi eta berrogeita hamar urtera inauguratu zuten, 1738an. Kupulak 65 metro ditu, linterna eta errematezko gurutze eta guzti. Aldare nagusia Ignacio de lbero azpeitiarrak diseinatu zuen eta 1750 eta 1757 artean egin zuten.

Loiolako Turismo Bulegoa
943 15 18 78
i-loiola@urolaturismoa.eus
www.urolaturismoa.eus

---
Argazkia Alja Svit https://eu.wikipedia.org/wiki/Loiolako_Santutegia#/media/Fitxategi:Basilica_of_St._Ignatius_in_Loyola.jpg
(CC BY-SA 3.0 lizentzia https://creativecommons.org/licenses/by-sa/3.0/)